အတိတ်၏ အရိပ်

ဂျပန်စာရေးဆရာ "နိုဘူဟီရို ဝါဆုကီ" ရဲ့ "ယူယိုနိ ကင်ရှင်" စာစဥ်တွဲ၊ စာစဥ် ၄ (ဇာတ်သိမ်းပိုင်း) ဖြစ်တဲ့ "Shadow of the Past" ကို စာရေးဆရာ Hotrod က "အတိတ်၏ အရိပ်" လို အမည်ပေး ဘာသာပြန်ဆိုထားတာဖြစ်ပါတယ်။

တိုကျိုမြို က "ကာမီယာ ကာရှင်" သိုင်းသင်တန်းကျောင်းဟာ "ယူကီရှီယို အီနီရှီ" ဦးဆောင်တဲ့ လူသားအမြောက် "ကူဂျီရာနာမီ ဟျူဂို"၊ လက်သီးဘုရင် "အီနူးရိ ဘန်ရှင်"၊ လက်နက်ပုန်းဝိဇ္ဇာ "အိုတိုဝါ ယိုကို"၊ စက်ဆရာ "ဂိန်း"၊ လက်တံရှည် "ယာဆူမီ မျိုးနီ"၊ ဝေလငါး "ကူဂျီရာနာမီ" တို့ လူစုရဲ့ လက်ချက်နဲ့ မုန်တိုင်းဆန်နေခဲ့ပါတယ်။

ထုံးစံအတိုင်း သမားတော်မိန်းကလေး "တာနာကီ မီဂူမီ" တစ်ယောက် "ကင်ရှင်"၊ "ဆာနိုစကီ"၊ "ယာဟီကို" တိုရဲ့ ဒဏ်ရာတွေကို အရင့်အရင် တိုက်ပွဲတွေတုန်းကလိုပဲ ပျောက်ကင်းအောင် ကုသပေးနိုင်ခဲ့ပေမယ့် လက်စားချေလိုစိတ်ပြင်းထန်းလွန်းတဲ့ "အီနီရှီ" ရဲ့ ဓါးချက်အောက်မှာ အသက်ပျောက်ရရှာတဲ့ "ကာအိုရှု" ကိုတော့ ဘယ်လိုမှ မကယ်တင်နိုင်တော့ပါဘူး။

ရဲအရာရှိ "ဆိုင်တို" ကိုယ်တိုင် "ကင်ရှင်" တို့ဘက်က အားဖြည့်ပါဝင်တိုက်ခိုက်ခဲ့ပေမယ့်လည်း "အီနီရှီ" နဲ့ သူ့ရဲ့ လူတစ်သိုက်ဟာ ထွက်ပြေးလွတ်မြောက်သွားခဲ့ကြပြီး "ကာမီယာ ကာရှင်" ကျောင်းဟာ ကြေကွဲစရာအပြည့်နဲ့ ကျန်ရစ်ခဲ့ပါတယ်။

ရက်အနည်းငယ်အကြာမှာ "မီဆောင်" နဲ့ "အာအိုရှီ" တို့ဟာ "ယူကီရှီယို တိုမိုအဲ" ရဲ့ ဒိုင်ယာရီစာအုပ်နဲ့အတူ "ကျိုတို" ကနေ "တိုကျို" ကို အရောက်လာခဲ့ပေမယ့် အချိန်နှောင်းသွားခဲ့ပါပြီ။

သွားလေသူ "ကာအိုရှု" ရဲ့ စိတ်ကူးအတိုင်း "ယူကီရှီယို တိုမိုအဲ" ရဲ့ ဒိုင်ယာရီစာအုပ်နဲ့ "ယူကီရှီယို အီနီရှီ" ရဲ့ အမုန်းရန်ငြိုးတွေကို ဖျောင်းဖျနားချနိုင်မယ်ဆိုတဲ့ မျှော်လင့်ချက်ဟာ ရေစုန်မျောသွားခဲ့ပါပြီ။

အကြီးအကျယ် စိတ်ထိခိုက်သွားတဲ့ "ကင်ရှင်" ဟာ "ရာကူမင်မူရာ" (ရာဇဝတ်ကောင်၊ သိုးမည်း၊ သင်းကွဲများနေထိုင်ရာအရပ်) မှာ နေထိုင်ရင်း သူငယ်ချင်းမိတ်ဆွေတွေနဲ့ အဆက်ဖြတ်ခဲ့သလို "ဆာနိုစကီ" တစ်ယောက်လည်း နှုတ်ဆက်ထွက်ခွာသွားခဲ့ပါပြီ။

ဒါပေမဲ့ သူတို့အားလုံးရဲ့ ကုန်ဆုံးသွားတဲ့ မျှော်လင့်ချက်တွေကို တဖန်ပြန်လည်နှိုးဆွ အသက်သွင်းပေးခဲ့သူက "ရှင်နိုမိုရီ အာအိုရှီ" ပါပဲ။ 

သူက "ကာအိုရှု" ရဲ့ သေဆုံးခြင်းအပေါ်မှာ သံသယရှိခဲ့ပါတယ်။ ဒါကြောင့် အားလုံးနဲ့ အတိုက်အခံငြင်းခုန်ပြီး "ကာအိုရှု" ရဲ့အလောင်းကို ပြန်လည်တူးဖော်ကြည့်တဲ့အခါ သူ့ထင်မြင်ချက်တွေ မှန်ကန်နေတယ်ဆိုတာ သိလိုက်ရပါတော့တယ်။ အဲဒီနောက်မှာတော့ ... ။

📚 အတွဲ ၄