ပါးပြင်ပေါ်က အမာရွတ်

ဂျပန်စာရေးဆရာ "နိုဘူဟီရို ဝါဆုကီ" ရဲ့ "ယူယိုနိ ကင်ရှင်" စာစဥ်တွဲ၊ စာစဥ် ၃ ဖြစ်တဲ့ "Cross - Shaped Scar" ကို စာရေးဆရာ Hotrod က "ပါးပြင်ပေါ်က အမာရွတ်" လို့ အမည်ပေး ဘာသာပြန်ဆိုထားတာဖြစ်ပါတယ်။

"ကင်ရှင်"၊ "ဆာနိုစကီ"၊ "ဆိုင်တို" တို့ လူစုဟာ "မာကိုတို ရှီရှီအို" ရဲ့ ဌာနချုပ်ကို သွားရောက်ရင်ဆိုင်နေကြချိန်မှာပဲ "ရှီရှီအို" ရဲ့ "ဂျူပွန် ဂတ်တန" အဖွဲသားတချို့ကလည်း "အိုနီဝါဘန်ရှူ" အဖွဲအခြေစိုက်ရာ "ဧရိုရာ" တည်းခိုခန်းကို တစ်ချိန်တည်း တုံ့ပြန်တိုက်ခိုက်ခဲ့ကြပါတယ်။

"ဧရိုရာ" တိုက်ပွဲမှာ လူငယ်လေး "ယာဟီကို" ဟာ အကောင်းဆုံးအစွမ်းပြနိုင်ခဲ့သလို "ကင်ရှင်" ရဲ့ဆရာ "ဟိုက်ကု စေဂျီရု" ကလည်း ပါဝင်ကူညီပေးခဲ့တဲ့အတွက် "အိုနီဝါဘန်ရှူ" တွေဘက်က အကျအဆုံး မရှိခဲ့ဘဲ "ဂျူပွန် ဂတ်တန" တွေပဲ အကြီးအကျယ် ရှုံးနိမ့်သွားခဲ့ပါတယ်။

တစ်ဖက်က "ရှီရှီအို" ဌာနချုပ်တိုက်ပွဲမှာတော့ "ကင်ရှင်" တို့ လူစုဟာ အကြိတ်အနယ်ရင်ဆိုင်ခဲ့ကြရပြီး "အာအိုရှီ"၊ "ဆိုဂျီရို" စတဲ့ ထိပ်တန်းသိုင်းသမားတွေကို ယှဥ်ပြိုင်အနိုင်ယူပြီးမှ နောက်ဆုံးမှာ "ရှီရှီအို" ကို ခက်ခက်ခဲခဲ အနိုင်ယူနိုင်ခဲ့ပါတယ်။

ဒီလိုနဲ့ အာဏာသိမ်းသမား "မာကိုတို ရှီရှီအို" သေဆုံးသွားတဲ့အတွက် လူသတ်ပွဲများစွာကို ရှောင်လွှဲနိုင်ခဲ့ပြီး "ကင်ရှင်" တို့လူစုလည်း "တိုကျိုမြို့" ကို ပြန်လာခဲ့ကြပါတယ်။

ဒါပေမဲ့ တိုကျိုမြို့ "ကာမီယာ ကာရှင်" သိုင်းသင်တန်းကျောင်းကို ပြန်ရောက်လာတဲ့ "ကင်ရှင်" ရဲ့ အေးချမ်းမှုက တာရှည်မခံခဲ့ပါဘူး။

အကြောင်းကတော့ တချိန်က သူကိုယ်တိုင် မတော်တဆ သတ်မိခဲ့တဲ့ ချစ်သူဟောင်း "ယူကီရှီယို တိုမိုအဲ" ရဲ့ မောင်ဖြစ်သူ "ယူကီရှီယို အီနီရှီ" က လူသားအမြောက် "ကူဂျီရာနာမီ ဟျူဂို"၊ လက်သီးဘုရင် "အီနူးရိ ဘန်ရှင်"၊ လက်နက်ပုန်းဝိဇ္ဇာ "အိုတိုဝါ ယိုကို" စတဲ့ "ကင်ရှင်" အပေါ်တိုက်ခိုက်သတ်ဖြတ်လိုကြသူတွေကို ရှာဖွေစုစည်းပြီး စိန်ခေါ်လာခဲ့လို့ ဖြစ်ပါတယ်။

အတိတ်ကာလက အဲဒီဖြစ်ရပ်ဆိုးအတွက် အမြဲခံစားနေခဲ့ရသူ "ကင်ရှင်" တစ်ယောက် အဟောင်းက အသစ်ဖြစ်ပြီး အလွန်စိတ်ထိခိုက်ခဲ့ရပေမယ့်လည်း အကြောင်းစုံကို "ကာအိုရှု" ကို ဖွင့်ဟပြောပြခဲ့ပြီး ဘယ်လိုမှ ရှောင်လွှဲလို့မရတော့တဲ့ "ကာမီယာ ကာရှင်" သိုင်းသင်တန်းကျောင်းက ပုဂ္ဂိုလ်ရေး တိုက်ပွဲကြီးဟာ ... ။

📚 အတွဲ ၃