ဂြိုဟ်ကိုးလုံးဝင်္ကပါ

မိဘနှစ်ပါး လုပ်ကြံသတ်ဖြတ်ခံခဲ့ရပေမယ့် လူမမယ်သားလေး "စန့်ကွမ်းချစ်" ဟာ ကံကောင်းထောက်မစွာ အသက်ရှင်ကျန်ရစ်ခဲ့ပြီး ရှောင်လင်ဘုန်းတော်ကြီး "ဟန်ထိုင်" က ကယ်တင်ခဲ့ပါတယ်။ 

"စန့်ကွမ်းချစ်" အရွယ်ရောက်လာတဲ့အခါ မိဘတွေကို လုပ်ကြံသတ်ဖြတ်သွားတဲ့ ရန်သူကို ခြေရာခံရင်း အစိုးရငွေတိုက်ဖောက်ထွင်းခံရမှုကို စုံစမ်းဖော်ထုတ်နေတဲ့ ထောက်လှမ်းရေးမှူး "ပိုင်ရှင်း" နဲ့ ပူးပေါင်းမိတဲ့နောက်မှာတော့ ... ။

(နန္ဒကျော်သူ ရဲ့ "ဂြိုဟ်ကိုးလုံးဝင်္ကပါ" ၃ အုပ်တွဲစာစဥ်ဟာ တက္ကသိုလ်ဝင်းကြွယ် ရဲ့ "သွေးစွန်းလမ်းမှ အရိပ်မဲ့ခြေရာ" ၄ အုပ်တွဲစာစဥ်နဲ့ ဇာတ်ကောင်အမည်တွေသာ ကွဲပြားပြီး ဇာတ်လမ်းကတော့ အများစု ဆင်တူပါတယ်။ 

"တက္ကသိုလ်ဝင်းကြွယ်" ပဲ ရေးသားခဲ့တဲ့ "ကညာပျိုနှင့်ပြိုင်စံရှား" ၄ အုပ်တွဲ စာစဥ်ကတော့ "သွေးစွန်းလမ်းမှ အရိပ်မဲ့ခြေရာ" နဲ့ ခေါင်းစဥ်အမည်သာ ကွဲပြားပြီး ဇာတ်လမ်း ဇာတ်ကွက်၊ ဇာတ်ကောင်အမည် အားလုံး ထပ်တူထပ်မျှ အတူတူပဲ ဖြစ်ပါတယ်။ 

"ကညာပျိုနှင့်ပြိုင်စံရှား" ကို ၂၀၀၁ ခုနှစ်မှာ ထုတ်ဝေခဲ့ပြီး "ဂြိုဟ်ကိုးလုံးဝင်္ကပါ" က ၂၀၀၇ ခုနှစ်၊ "သွေးစွန်းလမ်းမှ အရိပ်မဲ့ခြေရာ" က ၂၀၀၉ ခုနှစ်မှာ ထုတ်ဝေခဲ့တာဖြစ်ပါတယ်)

📚 ၃ အုပ်တွဲ